1/6 《我們從此是路人》 維和粽子 (現代暗戀) [不推薦]
文案:
從第一次見到韓默言起，陸染整整暗戀了韓默言五年。
她用兩年去追逐他的腳步，三年試圖去日久生情。
可是，還是不夠啊…… 韓默言還是…… 不喜歡她。
即使再深的感情，也有乾枯的時候，陸染累了，她放手。
那麼，韓默言，如果不喜歡我，請你滾遠點。
BH女和冰山男，都市言情。
文案無能，直接看文吧=V=
PS：俺愛狗血愛狗血愛狗血，如有溫馨神馬，完全是俺抽了
主角：陸染 ┃ 配角：韓默言，向衍，莊靜 ┃ 其他：維和粽子
推薦度: 6
作者話愛狗血, 但身為讀者既我可以話已經被騙了嗎?!
男主冰山男一枚, 對前女友一直念念不忘, 自此再無真正愛上任何人, 女主暗戀男主5年, 其中3年做左男主助理, 兩人一直都係工作關係, 文章開首就係講女主等左5年, 終於決定辭職離開男主
其實睇完第一章, 我已經覺得呢本書係走狗血風, 但既然已經開卷, 所以都決定狗血一回, 但...但...但點解每次我以為要狠狠咁狗血一番時, 作者就剎車, 個種到喉唔到肺既感覺, 真係好抓狂 (掀桌)
而且結局實在令我感覺爛尾, 由質疑女主到折穿前女友, 再發現自己真心, 到愛上女主, 當中男主心境轉變之快, 實在令我呢個真女人都自嘆不如
男主冰山男一枚, 對前女友一直念念不忘, 自此再無真正愛上任何人, 女主暗戀男主5年, 其中3年做左男主助理, 兩人一直都係工作關係, 文章開首就係講女主等左5年, 終於決定辭職離開男主
其實睇完第一章, 我已經覺得呢本書係走狗血風, 但既然已經開卷, 所以都決定狗血一回, 但...但...但點解每次我以為要狠狠咁狗血一番時, 作者就剎車, 個種到喉唔到肺既感覺, 真係好抓狂 (掀桌)
而且結局實在令我感覺爛尾, 由質疑女主到折穿前女友, 再發現自己真心, 到愛上女主, 當中男主心境轉變之快, 實在令我呢個真女人都自嘆不如
總結: 情節平凡無味, 而且永遠係以為要狗血時, 作者就黎天下太平, 男女主亦唔討喜, 所以唔推薦
1/6 《下一個地方叫永遠》 夏雪緣 (校園暗戀) [不推薦]
文案:
多麼希望我的愛，能夠溫暖你的眼睛——這是她最初的期盼；你已喚醒我的愛，你已成為我的溫暖——這是他後來的心聲。但為什麼，那悄然啟程的愛，總迷陷在沉沉的憂傷中？而那些不慎遺失的溫暖，是否就在下一個叫“永遠”的地方？
主角: 豆月, 靳風
推薦度: 5
呢排突然好想睇女追男既暗戀文, 於是搵左好幾本黎睇, 但差唔多本本都好伏, 呢本亦都唔例外, 其實本來連書評都懶得寫, 不過算啦, 叫做留個記錄
一睇主角名, 就感覺好少女漫既味道, 仲要係十零歲初中生睇個種, 結果, 亦都同我預料既一樣...(嘆氣)
女主自小就有氣眠症, 受刺激就會突然沉睡, 甚至會一睡不醒, 於是, 各位應該唔難想像會係點樣既各種狗血(눈_눈)
而且作者形容男主前女友既一個描述睇到我好煩, 每次, 係每次!! 男主回憶起呢位前女友, 都一定會出現"罌粟"呢個詞, 各種"罌粟的頹美" "美麗妖嬈無比的罌粟" "魅惑的罌粟花" "開到荼蘼的罌粟"一直貫穿全文, 我數過, 文中呢句描述大大話話出現不下十次, 完全深深感受到作者對呢個描述既喜愛程度
另一點令我好煩既係, 每當出現回憶片段, 作者真係會成段咁複製, 原!文!重!現!, 仲要唔係一小段, 係大大段!! 除左回憶會係咁, 作者亦好喜歡用山谷回音大法對付男女主既對話, 例子如下:
他現在只想報復，想用盡一切辦法來擊潰她沉默的面具。
這句話如炸雷般在豆月耳邊轟轟作響。
……
“可笑，你真的很蠢，對不對？？剛剛似乎還相信了，其實啊，我從未喜歡過你，一刻也沒有。”
……
“可笑，你真的很蠢，對不對？？剛剛似乎還相信了，其實啊，我從未喜歡過你，一刻也沒有。” ……
……
“可笑，你真的很蠢，對不對？？剛剛似乎還相信了，其實啊，我從未喜歡過你，一刻也沒有。”
……
“可笑，你真的很蠢，對不對？？剛剛似乎還相信了，其實啊，我從未喜歡過你，一刻也沒有。” ……
再黎多段:
靳風手指微曲，薄薄的嘴唇殘忍地說：“秦老師，不管豆月受到什麼處分，請先允許把她調班！她這樣，嚴重影響了我的學習！”
“……請允許把她調班！她這樣，嚴重影響了我的學習！”
“……請允許把她調班！她這樣，嚴重影響了我的學習！”
……這句話像巨大無比的車輪，碾著她的心，一遍又一遍，疼痛入了骨髓！
“……請允許把她調班！她這樣，嚴重影響了我的學習！”
“……請允許把她調班！她這樣，嚴重影響了我的學習！”
……這句話像巨大無比的車輪，碾著她的心，一遍又一遍，疼痛入了骨髓！
總結: 只適合初中小女生睇既書, 對於我呢類大人黎講, 感覺只有兩個字形容---幼!稚!
4/6 《天生一對》 Sunness (現代言情+推理) [小推]
文案:
喬茵對生活的要求不高：案子，美食。嗯，也可以有個做菜很好吃的男人。
而肖楊的生活由工作和愛好組成：破案，下廚。
於是某天，住對門的喬茵給他發了條短信：壯士，既然我倆志趣相投，不如就湊活著過唄？
肖楊面無表情地想了想，回她：在忙。等你智商趕上正常人水准了再談。
外圓滑內逗比的女主VS外嚴肅內毒舌的男主
非推理懸疑文，但因男女主的職業會有各類案件出現，乃言情劇情並重的小甜文一枚
主角：喬茵，肖楊 │ 配角：喬爸喬媽肖爸肖媽，周承澤，嚴聰，黃玲 │ 其它：
推薦度: 7.5
女主係律師, 但實際黎講, 作者除左俾左個律師身份佢之外, 基本全文係無佢打官師既場口, 佢主要任務只係食+談情+總係受傷個位
(P.S. 如果想睇律師劇情既, 我首推《親愛的弗洛伊德》, 女主同樣係律師, 呢本係開blog前睇既書, 所以一直無補書評, 但呢本既打官師場口真係好精彩, 女主係法庭上氣場全開, 好幾次都因為女主既台詞睇到我非常激昂, 又會覺得感人, 真係非常推薦!)
男主係刑警, 特徵係面癱, 個性冷淡嚴肅, 全文既破案重任都係落係男主身上
講到推理破案, 俾我感覺就係雷聲大雨點小, 每次開場都係殺人呢類重案, 個頭係開得好靚, 描述兇案發生亦交足功課, 但到中間既推理同破案就明顯薄弱, 犯人輕易就露出馬腳, 好快就被抓, 過程毫無懸念, 其中最嚴重既就係大boss---DG, 作者一路鋪墊DG如何兇殘成性, 係女主身上造成既心理陰影, 但到真正對決時, 我真係估唔到DG既結局竟然會係咁...作者最後有解釋點解會咁安排, 但sorry, 真係說服唔到我...(눈_눈)
so...大家無需太認真, 推理破案甚麼的, 看一下就好
至於另一主線, 除左男女主談談情說說案, 再加插無數美食之外, 就落係女主同佢父母既親情線上, 父母離婚後, 父親一直對第二任妻子所生既女兒疼愛有加, 相反對女主就處處算計, 兩者既差別對待, 直至最後都令我感覺辛酸, 對比推理破案, 呢條副線反而令我覺得更好睇
總結: 推理破案只屬初階級數, 感情及親情線比較重, 撇除破案有點小失望, 總體黎講情節仍然係不錯看的, 所以小推
9/6 《貓先生在家中》 花匠先生 (現代奇異)
文案:
葉舟指著表格上“關係”那一欄問貓先生，“誒，我們倆是什麼關係？”
貓先生用它厚厚的肉墊子不耐煩地摁了摁桌子，“什麼關係？！當然是正經合法的男女朋友關係了！”
葉舟飛快地轉著筆，“嘖，好好一人民教師，怎麼就人獸了呢？太重口了啊……”
貓先生瞪大它的綠眼睛，“你還是寫夫妻關係吧，我不放心。”
葉舟驚得轉飛了鋼筆，“啪”，鋼筆掉在木質地板上，甩出一道墨蹟。
貓先生眯縫起眼睛，危險地看著她。
葉舟吞吞吐吐地問：“這……這是求婚嗎？”
貓先生跳下桌子，搖擺著它優雅的貓屁股，故作鎮定地往門口走去，臨出門時，它回頭盯著葉舟，“聘禮是五百隻灰老鼠。”
“啪”，剛撿起來的鋼筆又掉下去了。
這是一個簡單的故事，可能有點靈異，有點懸疑，但它更多的是：陽光、快樂和積極。
我只是想寫一個能讓人感受到幸福和快樂的故事，關於一個人和一隻（偽）貓。
主角：葉舟，貓先生 ┃ 配角： ┃ 其他：
推薦度: 7.5
故事圍繞男女主既身世秘密, 各個小單元組合起黎, 其實就係引向最終事件既真相
女主身份係教師, 男主係寄居係黑貓身上既生靈, 故事就係講女主點幫男主搵返個身體, 變返做人, 以及揭開兩人之間17年前所發生既事, 以及男女主真正身份
我諗呢本算係小清新向既靈異文, 話係靈異其實一d都唔恐怖, 所有阿飄都係正常人類樣, 絕對無驚嚇成份, 所以大家可以安心食用
嗯, 其實呢本我真係無咩感想想寫, 唔係話唔好睇, 但對我黎講太清水, 我知有好多人大推, 但青菜蘿蔔, 各有所好, so...就醬╮(－_－)╭
總結: 文風清新乾淨, 適合想看靈異文但又膽小者看, 對於我呢d睇慣《異聞錄》《驅魔人》既人黎講, 則感覺太清淡
13/6 《左不過高冷罷了》 桃桃一輪 (現代言情+推理) [推薦!]
文案:
這是一篇推理言情文。
對，文案就是這麼簡！單！粗！暴！
男主平時高冷，心裡住著一只忠犬
女主故作高冷，從頭到尾就是一糾結逼
案情各種奇葩，凶手各種令人無語
主角：左擎蒼，舒潯 ┃ 配角： ┃ 其他：推理言情
推薦度:8
男主係刑偵專家, 女主係犯罪心理學專家, 兩人本來係情侶, 但因為某件事(關於女主弟弟), 女主同男主分手, 幾年後, 兩人因為一宗案件, 再次相遇並合作, 最後又走返埋一齊
呢本我主睇推理破案, 感情線方面唔係我既菜, 事關忠犬男主分手後一直等女主, 實在令我無感, 個人喜好問題
而推理破案方面, 犯案過程描述到肉, 推理過程按步就班, 最後犯人既自白亦清清楚楚, 比之前睇既《天生一對》合理好多, 而且成篇文主要都係講案件, 間唔中加插感情戲, 比例剛剛好, 7 分推理, 3分言情
總結: 雖然感情線唔係我鍾意睇既路線, 但因為呢本主講推理破案, 感情只係調味, 而推理方面亦處理得不錯, 所以值得推薦!
