6/3 《夏有蘇杭》 狐狸晚 （網遊） [推薦!]
文案:
夏悠然日常只關注三件事：
玩遊戲、尋覓美食，喜歡陳蘇杭。
小魚游遊日常也只關注三件事：
打副本、聚眾PK、調戲蘇州大神。
花癡少女總是那麼多，
而不管是校園偶像還是遊戲裏的大神卻只有一個。
生活不像網遊小說，
毫不起眼的小透明永遠也不可能莫名其妙的就走進大神們的視線。
只不過只不過，
看著小魚游遊那麼努力的讓自己變得優秀，
看著她站在遊戲頂端、自然而然的就吸引了大神的注意力時，
夏悠然想，所以是不是只要我肯努力，
總有一天我也能成為足以匹配他的優秀女子，
可以自然而然的走進他的生活？
主角：夏悠然 ┃ 配角：陳蘇杭 ┃ 其他：網遊、校園
推薦度: 8
呢本係第2本睇既網遊書, 第一本係微微一笑很傾城, 因為微微實在好好睇(有機會再寫返微微既感想), 所以結果攪到好挑食, 未搵到有好睇得過佢前都無再睇網遊類既書。
前幾日書荒, 見網上大家推薦夏有蘇杭, 於是又的起心肝睇網遊, 而呢本又確實寫得不錯。
好幾年前仲後生時都有玩過網遊, 所以有d用字都唔算陌生, 而且作者都寫得好易理解, 相信無玩過online game既人都一定會睇得明。
網遊方面, 主要都係睇大家鬥咀既笑位, 仲有角色間既是是非非, 至於正劇類似搶城, 打怪, pk戰唔算太多, 所以大家可以放心, 唔會睇唔明。
現實方面, 劇情9成9都係圍繞男主同女主既感情線, 無友情, 或男配同女配既情節, 雖然係單一發展劇情, 但又唔會悶, 好鍾意睇佢地未開始前, 互相曖昧既情節, 微甜清新, 到後半部份一齊左後, 甜份提高, 男主好寵女主, 專一而又潔身自好既男神果然非常吸引
總結---推薦!!
9/3 《致我們單純的小美好》 趙乾乾 （現代微虐）
文案:
電視和小說稱我們這種從小家住很近的男女同志為青梅竹馬，並 且普遍分兩類，一是相親相愛型，兩人間 親若兄妹，一起掏馬蜂窩一起被馬蜂蟄，一起偷地瓜一起挨揍，等到驀然回首，才發現友情早已慢慢昇華為愛情；一是相看兩相厭型，兩人間針鋒相對，遠遠見到都 恨不得沖上去咬對方一口，一逮到機會就拔對方自行車氣閥，長大後猛然發現，啊！原來這就是愛。 可惜我與江辰以上皆非，在很漫長的歲月 裏，我和他都只是對面樓的鄰居。
他每日叮咚叮咚彈他的鋼琴，我津津有味看我的櫻桃小丸子，偶爾忘記作業內容我會去按 他家的門鈴，他總是很訕，不耐煩地說你自己為什麼不記。
可能是因為有求於人，所以我從不與他計較，當然也可能是我從小不愛與人計較，我這人淡定中帶點超 凡。。
主角：陳小希江辰 ┃ 配角：吳柏松蘇醫生 ┃ 其他：
推薦度: 6.5
網上好多人話呢本好睇, 雖然成本書都係寫一d平凡事, 但就好溫馨, 好感人, 同書名一樣單純又美好...但我既感想係失望...
主 要係, 我真係唔太鍾意女主經常性自以為幽默既內心os, 猶其係當睇到男女主感情戲, 明明感情升溫中, 理應好感人, 但無啦啦又要加插一段女主內心冷幽默os, 咩感動位都斷晒! 呢d情節仲要唔係發生一次, 係無限輪迴...攪到我無晒動力睇落去... 雖然作者係想表達女主豁達樂觀既性格, 但每個位都要加段冷幽默os, 真係睇到有d頂唔順, 反而會覺得造作...到後面番外以第3身寫, 無晒女主內心os, 無疑係有睇頭好多, 但因為前面睇得太痛苦, 所以我都係好快"立"下就算, 無再深入去睇
以故事性黎講, 其實係好睇, 青梅竹馬, 女追男, 男腹黑傲嬌, 但冷幽默os真係太多, 扣左好多分...
10/3 《青梅竹馬那個他》 影照（現代小清新） [推薦!]
文案:
記得當時年紀小，你愛談天我愛笑。
有一回並肩坐在桃樹下，風在林梢，鳥兒在叫。
——好一雙的小兒女。
（私人回憶時間，紀念年華老去前的童年，後續故事請待新坑）
主角：司徒晉，徐安安 ┃ 配角：陶澤如，吳哲 ┃ 其他：青澀年華，小兒家，回憶
推薦度: 8.5
短短既一篇, 如作者所講, 呢一篇只係一個前傳或番外, 因為呢個短篇只係寫到中學階段, 至於正文, 作者仲未有開文既意思, 希望作者能夠有日會完成呢個作品
好鍾意影照既文字, 總係能夠勾起你既回憶, 懷念以前年少既日子, 無任何浮華既措詞, 但又能夠令你感受到深深既感情
相比<致我們單純的小美好>, 我更偏向<青梅竹馬那個他>既呢種寫法, 一樣都係描寫瑣事, 但影照寫得更單純更美好, 一樣係第1身寫法, 但可愛而又有點小倔強既徐安安, 更得我歡心。
如 果睇完<青梅>後覺得太短唔夠喉, 可以去睇影照既另一個長篇<只道是年少> , 一樣好睇, 一樣感人, 至於結局係HE定BE, 作者已係簡介寫左, 對於鍾意男配既我黎講, 絕對係HE, 但原男主其實都好好, 所以對於鍾意原男主既人, 係絕對BE, 仲要係終極BE!!
最後, 作者寫既後話, 亦令我有感動到...同作者最後一句一樣,回望從前...原來我已經這樣老了...
以下係作者既後話, 節錄出黎同大家分享:
(原文出處:http://www.jjwxc.net/onebook.php?novelid=36159&chapterid=10)
那樣純潔的同伴感情，從此以後，我再也沒有遇到。
很怕有一天，自己將這些故事忘掉了，因為童年不再回來，我們也將各奔東西。
所以寫下一些回憶吧，即使它不算什麼好文章。。
我懷念我的童年，懷念無憂無慮的那些時光，因為沒有受過傷害，所以軟弱並不堅強。
笑，真是小孩子的嬉笑時光。到了現如今，我寧願天真一直軟弱，也不願受傷後再含淚堅強。
現在,每當回過頭去，凝望回憶裏的自己，總是忍不住要輕輕歎上一句：
唉，原來我已經，這麼的老了。
10/3 《年年年華》 賈童 （現代小清新）[推薦!]
文案:
第一年，那男孩子沒有發現一個女孩兒在門口看他，
他不知道這是一個故事的開始，
也是一個等待在默默綻放。
第二年，他們相遇在另外一個地方，
但這監牢卻幾乎把他們的青春埋葬。
第三年、第四年、第五年……
他們依然陌生卻總是擦肩而過，
他還是沒有發現那個女孩，
用那樣固執的愛戀默默地守在彼岸。
她真的就是像她筆下那童話裡的女生，
穿著紅裙等在門口，就算人們取笑，
她還是固執地等著那個開門的人……
主角: 賀崇愚, 衛嘉南
推薦度: 8
呢 本字數唔算多, 用左1日唔夠就讀完喇, 但好鍾意文字間淡淡既感情, 其實好主要都係寫女主暗戀男主所做既一切, 不求回報, 全無私心, 只係將自己既心意藏住掖住, 一d都無透露過俾男主知, 就算其中男主同佢好友拍拖, 之後又疑似同青梅竹馬有曖昧, 女主都只係一路希望男主會開心快樂(咁講似乎有d似白蓮花性格, 但信我, 絕對唔係, 佢係由衷地令你覺得佢善良), 呢種默默既暗戀, 一直維持左8年
時間點係由小學開始寫起, 經歷初中, 高中, 大學, 整篇文都係描述女主既暗戀史, 連男主方面既側寫都係好少好少, 而且女主性格文靜內向, 完全無主動接觸男主, 男主係去到中學先開始認得女主, 但都只限於知道有呢個人存在...直到升高中後期先叫有幾句說話講下, 無特別曖昧情節, 個時其實已經去到文既3分2, 再去到大學中期, 差唔多結尾時, 女主既溫柔終於走進男主既心, 最後終於接受左女主, 作者寫到呢到就停筆結文喇...唉...其實真係好想睇多d佢地一齊後既情節...
文中好多情節都好深刻, 寫滿男主影子既日記, 一道為男主而學既糖醋青椒, 為左男主而努力考上既初中, 為左見男主而係男主大學既超市打工, 滿滿都係平淡而真實既暗戀情節
當 中最令我感動既情節係女主個本寫滿男主既日記, 後期男主送左個自己做既陶瓷儲錢罐俾女主(p.s. 男主都仲未鍾意女主, 只係覺得女主有用, 所以就送左俾佢), 但因為男主係罐底無做到出錢口, 所以d錢有入無出, 女主突然諗到可以將日記撕落黎, 摺成一張張便條儲落去, 咁樣就無人會偷睇到佢既心事, 就係咁, 日復日, 呢個儲錢罐儲到有一定份量, 直至結尾, 男主唔小心趺爛左個罐, 睇到呢一張張日記, 終於知道有個女仔暗暗鍾意左自己咁多年...
最後男主親吻女主既手, 呢個畫面真係滿滿既感動, 終於, 呢個小女孩等到佢想等既人
雖然成本書都係淡淡既氛圍, 無起迭既劇情, 無糾結既情感, 但當溫柔善良既賀崇愚得到衛嘉南既愛情時, 實在大大溫暖左我既心
文案:
這世界上有這樣一種人， 她懷揣著自己的夢想， 默默的努力著， 希望有一天能追趕上那個人的腳步， 她傻傻的， 就算沿途碰見美麗的風景也不懂得拐彎。
就是這樣一個傻傻的人， 努力著，堅持著， 終於也迎來了自己的幸福。
主角：顧小卿，歐臨鈺 ┃ 配角：歐臨璽，馬元彪，張耀陽，吳樂清，唐果 ┃ 其他：愛情
推薦度: 7
再次挑戰繞梁三日寫既書, 但同樣唔係太喜歡, 不過今次好d, 無中途就棄書
女主暗戀左男主8年, 18歲個年係商場做兼職店員時望到黎睇場既男主(打算收購商場), 就係咁就對身為集團董事長助理既男主一見鍾情, 自此女主就以男主為目標, 決定重讀發奮考上大學, 其間2人完全無交集, 亦無男主既戲份, 開頭部份主要都係寫女主既發奮史, 由讀書寫到工作, 除左高中重讀寫得多少少, 到大學, 到工作, 都係側重寫幾件事就過左, 主線劇情由原先公司俾男主既集團收購開始, 印象中, 當時女主26歲, 就係呢年除左入左佢集團工作外, 偶然間幫男主揸左一次車(男主唔識揸車), 男主覺得佢揸得好, 於是叫女主兼職幫佢揸車, 車佢出出入入, 於是一來二去, 男主同女主發生左關係, 然後開始拍拖
以下感想有嚴重劇透, 大家反白睇...
情 節一路都係2人平平淡淡既相處, 到後期男主自小暗戀既女配發生車禍, 劇情開始走狗血虐心路線, 因呢件意外, 女主同男主分手, 跟住男主發現自己真正在乎既人原來係女主(um...令我想起憾生...), 2人拉拉扯扯, 男主想同女主復合...女主又決定要自己死心...結果之後因為一單意外, 2人都受傷, 女主傷得比較輕, 男主傷到腦, 睇到呢到, 我已經覺得頭頂天雷滾滾...已經好想棄書...但因為見到章節剩返唔係好多, 所以都堅持睇埋落去..但沒有最囧只有更囧, 男主竟然因為呢單意外失憶+失去語言能力+跛腳.......媽呀!! 我好想棄書呀!! 好在作者無係呢幾點上借題發揮, 所有傷情都係1,2章內就康復大半, 亦都迎來左結局, 結局HE, 2人又再一齊返...
其實女主前半部講到對男主既感情 係無望, 唔奢望有回應, 即使點都好, 佢都會堅守自己既感情...但到中間因為女配既意外, 而堅決同男主分手, 真係覺得有d講唔通...令我覺得作者係為製造高潮而寫...對於讀者我黎講...真係唔太想睇到呢d情節..既然前面寫得平平淡淡既, 我都唔介意有個平淡既結局, 其實只要加返d溫馨情節, 講下男主心意轉向女主, 開始對女主好咁, 其實都可以寫得好感人, 唔一定要製造咩重大事故, 而令兩人重新走返一齊...
總結...繞梁三日寫既書真係唔係好岩我睇...完。
17/3 《阿黛》 糖拌飯 （古代穿越）[非常推薦！]
文案:
王黛穿越了！
左鄰，寧采臣剛剛把聶小倩領進門。
右舍，許仙他姐正喊他打醬油，斷橋相會還待來日。
家裏，老爹病重在床，老娘牢騷滿腹，大哥遊手好閒，大嫂好吃懶做，再加上事事跟她 不對付的二姐，抬頭望天，從此彪悍的人生不需要解釋！！！！
**************
這是一個在聊齋的故事裏家長里短，發家致富的生活傳奇
推薦度：9
篇幅比較長既一本，但睇得好過癮！無更新既呢幾日就係去左追《阿黛》，嘻嘻！
題材比較特別，講女主穿越去左聊齋既世界，係裡面遇到一系列聊齋既人物，更機緣巧合下得到神龜報恩，得到一本叫太素秘法既古書，自此能夠睇透因果，未卜先知，作者將因果寫得好好，每每睇到惡人有惡報時，非常大快人心！
前半部主寫一個個因果故事，到後半部女主婚後去左京城，就主寫京城生活＋宮鬥，因果故事無咁多, 不過連我呢個唔係好睇宮鬥文既人都無跳黎睇，證明作者真係寫得不錯
言情方面唔多，男女主相識－婚後都係平淡為主，但因為故事情節精彩，所以言情部分唔多亦唔覺有問題，反而覺得咁既發展好自然順暢
起初男主既遭遇真係有擔心過男主會易主，好在中間一個轉折位，男主終於坐實身份正式同女主有交集，個刻真係忍唔住歡呼左一聲，哈哈（P.s. 因為冷面將軍係我既菜！）
仲 有不得不提，成本書裡面，我最唔鍾意就係法海（白蛇傳裡面既和尚），為左要了結自己既因果，完成修行，佢係固執地要拆散許仙同聶小倩，總之許＆聶去到邊， 佢就拆到邊...orz...作者筆下既法海形象俊美，但就好似烏蝇咁超煩...我既感想係..同女主第一眼見到法海時既感想一樣，就係---幻滅...
總結，劇情豐富，題材特別，絕對推薦！
20/3 《很想很想你》 墨寶非寶 (網配小清新) [推薦!]
文案:
他是商業配音圈的名人，主業神秘，不甚愛交際。
因為一次意外，他開始每晚給她介紹美食，誘人的聲音，描述著一道道菜的做法，也一口口地，把她吃幹抹淨。
關鍵字：甜文／小白文／別yy原型啊，木原型。。。。
鄭重說一句：這文只是因為我喜歡古風歌+美食+我本人是聲控才開的，別當做現實。
主角：顧聲（聲聲慢）／莫青成（錆青磁） ┃ 配角：絕美殺意／風雅頌／庚小幸/豆豆豆餅/斐少 ┃ 其他：配角隨時添加
推薦度: 8.5
好少睇甜文, 因為好多甜文都甜到甩牙, 但呢本真係甜得剛剛好!
首先題材方面係好少見既網上配音, 全文就係講配音大神如何一步步將古風唱作小透明追到手, 所以全文各種甜, 完全無虐
最好睇既地方係男主淡淡然之中就令人心動既情節, 基本上我都係咀角微微上揚咁睇完成本書
另外就係對於聲控(愛好聲音)黎講, 呢本確實係非常適合幻想既書, 各種聲音既形容詞+場景幻想, 絕對令你怦然心動, 哈哈
