而我主打都係睇大陸原創小說, 好幾年前第一次接觸國內小說時, 真係迷得天昏地暗, 當時穿越題材仲好新, 仲未有咁多人寫, 所以覺得好新鮮好好睇, 連我一直好無感既清宮文都唔放過, 當然, 依家多左人寫, 我已經無再掂清宮文, 所以大家唔會睇到我推薦光頭男人(重點)既文。
而我既閱讀心路歷程是咁的...有好長一段時間我都只係睇穿越, 到後期睇到無文好睇, 就轉睇古代架空, 然後又係維持左幾年都只係睇古代文, 現代文幾乎係一年都唔知有無睇到一篇, 到今年2015年, 我先投入現代文中, 亦因為咁, 幸運地唔會書荒, 因為太多現代文未睇, 哈哈哈!!!
亦都係因為咁, 我先發現原來作者們已經開發左好多題材, 甚麼末日文, 遠古文, 人獸文(貌似非常重口味!!), 等等...只有你諗唔出, 無作者們寫唔到既
至於讀後感應該唔會好長, 只係做個記錄。
