《怨氣撞鈴》 尾魚 (現代靈異)
一串只能被死人怨氣撞響的風鈴
一段永遠看不到終點的漂泊旅途
主角：季棠棠，嶽峰 ┃ 配角：神棍，毛哥，葉連成，秦苗，其他待設定的一干人 ┃ 其他：在路上
推薦度: 7.5
有d情節夜晚睇真係會有d驚, 上半部主要係講幾單唔同既case,
女主要幫怨魂化怨, 情節吸引, 到後半部就解女主身世, 同點樣脫離命運既悲劇。
因為比較鍾意睇單元破案, 所以上半部追得比較開心, 到下半部一講身世既野, 就開始拖住黎睇, 甚至有d位係"快立"式睇完...
到最後對付大boss, 略嫌有少少草草了事, 唔太過癮
至於感情路線方面, 男主好似有d快就鍾意左女主...同前女友分手無幾耐, 就對女主有感覺...不過作者其實都寫得ok, 感情過渡得都自然, 只係如果可以過渡多幾章先寫男主對女主有感覺, 就會好d
男主嶽峰如果放係現實中, 絕對係好男人一枚, 靚仔有型又打得又有d錢, 要深情有深情, 有邊個女仔會唔心動, 係後段對棠棠亦用情至深, 用"媳婦兒"呢種土叫法叫棠棠, 真係又土又親切(笑), 但亦好似棠棠咁講, "媳婦兒"感覺特自己人的感覺。
女主棠棠性格堅強, 忍得, 每一次解怨都攪到傷痕纍纍, 心地好得黎唔會俾人覺得係白蓮花, 所以都睇得好舒服 (對女主要求比較高,
所以唔係特別出彩, 都唔會寫太多XD)
總結成本書都好睇既, 不過翻睇機會應該係0, 破案既野, 睇一次先會有新鮮感。
《浮色》 焦糖冬瓜 (娛樂圈) [推薦!]
文案:
化妝師米塵初入娛樂圈，覺得影帝A溫潤如玉，影帝B沉默嚴謹，都是外界少見的優質男神，深入接觸了之後才發現男神都是男神經病，一個比一個難伺候。說好的謙謙君子，說好的高嶺之花呢？！大部分時間米塵都是在猜測對方想要什麼和徹底猜不到對方想要什麼之間來回搖擺。
影帝A白意涵VS影帝B厲墨鈞：“……按照這個走向，我覺得我們誰先讓米塵意識到我們是在告白，誰就贏了。”
所謂愛情，本來就是峰迴路轉的事情。
主角：米塵 ┃ 配角：白意涵，厲墨鈞，林潤安 ┃ 其他：娛樂圈，化妝師
推薦度: 8.5
前排突然好想睇明星文, 想睇平凡女主愛上明星男主既苦逼戲...(又要講下...我睇文既口味, 主要都係鍾意女追男, 仲要小虐心)
不過搵左好耐都搵唔到, 好多都係大家都係娛樂圈, 一係就多數係女主係明星, 男主係富商...
最終睇左2本, 一本係家有男神, 一本就係浮色, 相較之下, 後者比較好睇, 所以就先講佢
劇情主要係講女主職業係化妝師, 一出道就幫2位影帝化妝, 外加小小幫其他明星&人化妝, 小說無畫面睇, 所以看點係化完之後各人既反應, 小報復既快感
感 情線方面, 2男1女, 一開始女主先係接觸白影帝, 白影帝走靚仔+溫柔路線, 但好奇怪, 我係一直都唔想女主同佢一齊, 即使一開始黑影帝未出現, 我都係咁諗, 到黑影帝出現, 就更加係完全一面倒只係想睇黑影帝同女主之間既互動, 而黑影帝走既係靚仔型格(即cool cool地)路線, 我對呢種類型係完全無免疫力...所以幾乎係佢一出場, 已內心尖叫, oh~是我的菜!
實在真係好鍾意睇呢種平時好冷酷, 但只係對女主一個溫柔既男主, 而呢篇文既作者又寫得好好, 感情位寫得恰到好處, 情節上吸引, 所以俾得高分
好 喇, 終於講女主, 性格方面都係我一直喜歡既類型, 唔造作唔花癡, 淡淡然好舒服既感覺, 即使面對2大影帝, 都係平常人咁看待, 所以令人睇得好舒服, 同埋就係, 女主都有少少開外掛, 1. 母親係名人, 2. 一開始就跟左大師學習化妝, 3. 出道就可以同影帝化妝, 不過一開始無人知佢係名化妝師既徒弟, 所以個個都睇小佢, 但當佢一化完後個個對佢改觀既情節, 都睇得好爽
總括劇情有, 感情又有, 所以---推薦!!
《家有男神》 佳麗三千 (娛樂圈)
文案:
每個女孩心中都有一個閃閃發光的男孩，我們稱之為——男神。
你有沒有為自己的男神做過什麼傻卻執著的事情呢？
白小薇有的，她的青春，獻給了她的欒炎大神。
主角：欒炎，白小薇 ┃ 配角：元嘉，顏青 ┃ 其他：甜文，美佳佳出品
每個女孩心中都有一個閃閃發光的男孩，我們稱之為——男神。
你有沒有為自己的男神做過什麼傻卻執著的事情呢？
白小薇有的，她的青春，獻給了她的欒炎大神。
主角：欒炎，白小薇 ┃ 配角：元嘉，顏青 ┃ 其他：甜文，美佳佳出品
推薦度: 6.5
呢篇比較接近我想睇既情節, 但又未到真係完全係我想睇既野...而且後半部份有d拖拉, 所以分數唔高
呢篇比較接近我想睇既情節, 但又未到真係完全係我想睇既野...而且後半部份有d拖拉, 所以分數唔高
一開始講女主係國民男神欒炎既超級粉絲, 機緣巧合下做左佢既保姆, 之後男神因女主既體貼照顧而動心, 進而一齊左。
其實我都係鍾意睇曖昧時間長d既文, 呢篇對我黎講都係發展得快左d, 同埋甜左d。
文既後半部, 發生意外後已經唔係我想睇既野, 但幸好男配元嘉都算係我鍾意既類型, 所以都堅持睇到最後。
總結就是書荒時可以拿出來一看。
九鷺非香一系列文 (古代架空 / 修仙...) [非常推薦!]
九鷺非香既文全都大愛!!
她筆下既女主絕對唔係小白+柔弱, 雖然唔算係女強, 但各有能力, 同埋基本都係女主受傷+感情線微酸甜, 哈哈, 完全截中我想睇既橋段, 作者功力好, 完全無悶場, 睇完一章就會想再追埋落去
以下係已經睇左既文, 詳細唔寫喇, 總之一定好睇, 推薦!!
九爺別這樣
推薦度: 8.5武力值爆表, 帥氣非常外星男主+粗豪脫線古代女主, 互動爆笑得黎好有愛
本王在此
推薦度: 8.5淡泊上神男主+帥氣可愛魔界女主, 全文走微虐風, 專戳你既揪心位
百鬼集
推薦度: 9由多個短篇組成, 雖然唔長, 但篇篇精彩, 主要虐心, 情節感人, 絕對推薦!!!
一時衝動, 七世不祥
推薦度: 9同為神仙既男女主因為做錯事, 所以被罰要經歷七世情刧, 情節笑中有淚, 係九鷺非香既書中最愛既一本!
司命
推薦度: 8龍族男主+司命星君女主, 好少睇呆萌男主既文, 但九鷺寫得好好, 所以呢本仍然好睇, 甜度亦自然會高一d, 唔太算我想睇既類型, 不過情節照樣係好睇
三生, 忘川無殤
推薦度: 8.5天界將軍男主要落凡間歷3次刧, 歷刧前係忘川相遇由三生石修成仙既女主, 誤打誤撞之下, 3次歷刧都係以女主既死告終, 情節微虐心, 中曬心頭好, 所以好睇!!
